İrşad
Yüklə 20 AZN BONUS qazan!
Azərbaycan dili 
Apple nəhayət ki, iPhone 14 smartfon seriyasını təqdim etdi. Təqdim edilmiş yeni seriyaya 4 smartfon modeli daxil olub: iPhone 14, iPhone 14 Plus, iPhone 14 Pro və iPhone 14 Pro Max. İlk növbədə iPhone 14 ilə iPhone 14 Plus modelləri ilə tanış olaq. Adlarından da göründüyü kimi şirkət iPhone mini modelindən imtina edib və onu iPhone 14 Plus ilə əvəzləyib. Yeni modellər metal çərçivələrə sahib şüşə gövdələr ilə təchiz olunublar. Bundan əlavə olaraq smartfonlar IP68 standartı üzrə sudan qorunurlar. iPhone 14 modeli 6.1 düym OLED ekran, iPhone 14 Plus isə 6.7 düym OLED ekran ilə təchiz olunub.
iPhone 14 ilə iPhone 14 Plus keçən ilki A15 Bionic prosessorunun bir qədər təkmilləşdirilmiş versiyası ilə təchiz olunublar. Prosessorun təkmilləşdirilmiş versiyası 5 nüvəli qrafik çip əldə edib. Bunun sayəsində o, keçən ilki iPhone 13 modellərinə quraşdırılmış A15 Bionic versiyasından 80% daha sürətli çalışır. Smartfonlar 128/256/512 GB daxili yaddaş həcminə sahibdirlər. Əsas yeniliklərdən biri ondadır ki, iPhone 14 və iPhone 14 Plus modelləri tamamilə yenilənmiş 12 MP-lik əsas arxa kameranı əldə ediblər. Smartfonların əldə etdikləri yeni 12 MP-lik əsas arxa kamera f/1.5 diafraqmaya sahibdir və onda sürüşən matrisalı stabilizasiya sistemi reallaşdırılıb. Apple şirkətinin verdiyi məlumata əsasən yeni kamera yaxşı işıqlandırılmamış mühitdə fotoları 49% daha yaxşı çəkir. Ön kameraya gəldikdə isə smartfonlarda həmçinin yenilənmiş 12 MP-lik ön kameradan istifadə edilir. Həmin kamera f/1.9 diafraqmaya və avtofokusa sahibdir.
Photonic Engine adlı alqoritm sayəsində smartfonlardakı bütün kameralar vasitəsilə çəkiliş keyfyyəti daha yüksək səviyyəyə çatdırılıb. Bununla yanaşı kameralara Action Mode adlı daha üst səviyyəli stabilizasiya rejimi əlavə edilib. Apple bütün iPhone 14 modellərində qəzaların təyin edilməsi funksiyasını reallaşdırıb. Belə ki, hər hansısa ağır qəzanın baş verdiyi halda smartfonlar avtomatik olaraq xilasetmə xidmətinə SOS siqnalı göndərirlər. Apple iPhone 14 smartfonlarında peyk şəbəkəsinin dəstəyini reallaşdırıb.
iPhone 14 Pro və iPhone 14 Pro Max - Sözügedən smartfonlarda həm xarici görünüşcə həm də texniki göstəricilər baxımından dəyişikliklər edilib. iPhone 14 Pro ilə iPhone 14 Pro Max modellərinin ekranları üzərində ənənəvi çıxıntı hissəsi ləğv edilib. Onun yerini isə Dynamic Island adlı bir qədər fərqli çıxıntı gəlib. Ön kamera ilə digər sensorlar məhz həmin çıxıntı hissə daxilində yerləşirlər. Bundan əlavə olaraq Dynamic Island adlı yeni növ çıxıntı hissə iOS əməliyyat sisteminin bir hissəsinə çevrilib. Belə ki, bütün bildirişlər bu və ya digər üsul ilə sözügedən çıxıntı hissənin ətrafına inteqrasiya edilib.
Pro modellərin ekranları LTPO texnologiyası vastəsilə hazırlanıb və 120 Hz-lik təsvir yenilənməsini dəstəkləyirlər. Bunun sayəsində iPhone 14 Pro modellərinin ekranları Always on Display dəstəyini əldə ediblər. iPhone 14 Pro modeli 6.1 düym OLED, iPhone 14 Pro Max isə 6.7 düym OLED ekran ilə təchiz olunub. Sözügedən smartfonlar 4 nanometrlik yeni A16 Bionic prosessoru vasitəsilə çalışırlar.
Adi iPhone 14 modelləri kimi iPhone 14 Pro modellərinin gövdələri də IP68 standartı üzrə sudan qorunurlar. Bununla yanaşı smartfonlar 128/256/512 GB və 1 TB daxili yaddaş həcmi ilə təchiz olunublar. iPhone 14 Pro modelləri yeni 48 MP-lik əsas arxa kamera ilə təchiz olunublar. Bu smartfonlarda reallaşdırılmış 48 MP-lik əsas arxa kameranın ölçüsü keçən ilki iPhone 13 Pro modellərində reallaşdırılmış əsas arxa kameradan 65% daha böyükdür.
48 MP-lik kameranı 2 qat optik zoom özəllikli telekamera rolunda da istifadə etmək mümkündür. Smartfonlarda reallaşdırılmış ikinci arxa kamera f/2.2 diafraqmalı 12 MP-lik ultragenişbucaqlı kameradır. O, 120 dərəcə bucaq əhatəsində sahibdir. Üçüncü kamera isə optik stabilizasiyaya və 3 qat optik zoom-a sahib 12 MP-lik telekameradır. Ön kamera hər iki smartfonda 12 MP-likdir. Adi iPhone 14 modellərində olduğu kimi iPhone 14 Pro modelləri də qəzaların təyin edilməsi funksiyasını və peyk şəbəkəsi dəstəyini əldə ediblər.
Русский язык 
